{4}【遇上教訓學精記】記者上身隨時招禍。。。花生唔好隨便食
上回提到了Staffy，居然給我在自駕遊到Canterbury的時候見到一隻，但牠出現在一個極不尋常的地方----小河中間，不遠處的上游水閘仲要放緊水，牠嚇得一動不動呆企係到。
引起我們注意的是有兩個年輕男女由下游位置跳左落河(當時只有10多度，心諗唔係凍冰冰來玩水ma), 隨即又見到消防車到， 似乎是有人墮河了!
原先沒打算多事埋去睇，但見有不少人圍觀，神情不是太緊張，應該不是太嚴重的情況。終於發現原來水中有隻Staffy!基於是Staffy，而在水中待救援又是咁「千載難逢的驚險場面」，我決定走左埋去湊熱鬧，做香港人好鐘意做的事：「食花生」，仲打算影相「現場直擊」後和facebook上的好友share...
(之前香港地鐵自焚案、Westminster恐襲、UA超賣趕落機事件, 都是靠路人甲拍下footage令事件有個記錄, 令我覺得「現場直擊」實在是平常不過的事, 但原來...)
行近河邊其實見到有個後生仔(似是狗主) 跳左落去試圖行近隻Staffy, 但水流和河床不容許他那麼做，而他嘗試爬返上岸亦唔成功，卡在河邊水中前進不得又無退路。消防員此時仲著緊防水衣未落得水，在我舉電話準備影之際(我只諗住影水閘+河+Staffy, 無諗住影水中人的)，水中人在岸上的朋友突然轉身過來望到我，用英文大叫：「你做咩係到影相?!咁的事唔應該影!」水中人聞言亦轉過頭來，大罵粗口叫我們「fxxk off」。Y先生站的位置比我近很多，他以為他們誤會我了，馬上挺身而出說我們沒有拍(因為他沒有看到我拿起手機)，並表明身份說他有動物的專業知識，走近是因為如果狗狗救上來後有什麼事，他可以幫忙。誰知水中人聽了之後更加激動，不斷repeat句粗口趕我們走....
這時，我已經十級驚了，因為的確是我做了不恰當的事，而Y先生又不知道仲幫我「出頭」。而且好似係我叫他行埋d 睇下有無野可以幫到手的....點知對方不單不領情，仲令Y先生比人鬧一餐...為免事情鬧大，我趕快check check 電話有沒有拍下甚麼，有的話趕快delete (但原來電話太廢/冥冥中注定, 居然一d野都拍唔到)，講左幾句sorry 就無鞋挽屐走拉大家走了。(Y先生還在茫然之中...)
用左一陣先平復到心情，因為實在很怕遇到這種起爭執的場面，仲要連累Y先生一片好心都比人「睇唔起」咁...仲有少少「衝左出來X」的成份...
而驚魂始定之後，遊Canterbury的心情都沒有了...
後來檢討返...其實都不難理解水中人及朋友們當時的心情，為何他們會如此激動。先是擔心狗狗的安危，而Y先生講的說話好似「咒」佢隻狗會有事咁，二是水中人當時的樣子又極為狼狽(如果真的post了相/片影到他，他可能覺得自己無哂面了)，而我們一班唔關事的人(仲要係asian, 一副遊客樣)居然係到睇戲咁。
幸好他們沒有鬧Racist 的說話，所以應該不是因為我們是亞洲人才有這般反應，不然真的唔知會點收科了。(Racist 在英國可以是很嚴重的事情，有機會再講)
#咩都影一餐其實手勢唔好 #以後唔好幸災樂禍咁 #無咩事都係唔好食咁多花生
#當時走左之後真係驚+內疚到喊左 #之後都兜路行唔敢再經那個位
#點知回程再發生另一件黑仔事又上了一堂仲交埋學費下回分解
#在英國要注意的事
圖:From Google
-----------------------------------------------------------------------------------------------
上回傳送門: {3}【英國常見的狗種】-Staffordshire Bull Terrier (Staffy)
https://www.facebook.com/…/a.432410870467…/432591460448975/…
Search